بهترین اشعار برای تو که نیامدی

صبر ائیله گونول محنت حجرانه تله سمه

درد اهلی یئتر صبرله درمانه تله سمه

کام آلمایاجاق آیریلیغا باعث اولانلار

عاشق ئیته جک سئو گیلی جانانه تل سمه

کیم اولسا سبب آیریلیغا عومرو گوده لسین

بیرگون اولاریق یاریله همخانه تل سمه

یوسف ده زلیخانی  محبتله سئویردی

صالدیردی زلیخا اونو زندانه تل سمه

دونیایه وفا ائیله مه چوخ آغلاما گونلوم

دونیا نه وفا قیلدی سلیمانه تله سمه

پروانه اگر یانسا دا شمعین ستمیندن

شمعین ده یاخار عومرونو پروانه تله سمه

گول ذووقونو چکمک ابدی خاره ده قالماز

بولبول گلر البته گولوستانه تله سمه

گونده ن- گونه آرتیر بو گوزه ل حوری لقالر

دونیا دونه جک جنت رضوانه تل سمه

واحد ایچه جکسن دئمه کی توبه لر اولسون

جلب ائیله یر آخیر سنی میخانه تل سمه